Калі каменем цяжкае скрухі
Адзіноты наваліцца груз,
Свайго сэрца імкненні паслухай,
Ёсць жа брат у цябе – беларус!
Раз’ядналі сям’ю хапатліва,
Непрыступныя межы ўзвялі. –
Дык каму ж не з рукі, каб шчасліва
Мы з табой у братэрстве жылі?..
Не патрэбны нам межаў кайданы,
Нас яднае бацькоў запавет –
У адзінстве братоў захаваны
Нашай шчырае моцы сакрэт.
Нас адзіная Вера яднае
І адзінага неба абрус.
Чуеш? Маці Зямля заклікае:
– Зберажыце адзіную Русь!
Помочь сайту
Поздравления
