Неизрече'нных Божественных таин зря в Тебе явле'нных, недоумением и радостию объяти бывше, вопием смиренно Богу: Аллилуиа.
ИКОС 2
Гору Несеко'мую прови'де дре'вле Тя, Дево, Аввакум, мы же неизреченно восхваляем Тя и вопием:
Радуйся, Святая Святых бо'льшая.
Радуйся, Кадильнице Всезлата'я.
Радуйся, Све'щнице, Свет миру явившая.
Радуйся, Божественный Черто'же.
Радуйся, Богоизбранная Отроковице Марие, Владычице наша Всеблагая.
КОНДАК 3
Иму'щи Тя, яко всесветлое Солнце, веселия исполняемся и с ли'ки Ангельскими вопием: Аллилуиа.
ИКОС 3
Иму'щи Тя, яко Богосветлую зарю Невечерняго Света, радости исполняемся, зовуще с невещественными чи'нми:
Радуйся, предстательнице наша пред Богом.
Радуйся, Молитвеннице пред Сыном Твоим.
Радуйся, Благоуха'нный Фимиа'ме.
Радуйся, печалей наших Утоление.
Радуйся, Богоизбранная Отроковице Марие, Владычице наша Всеблагая.
КОНДАК 4
Благоприятная жертва приносится днесь, великий архиерей Захария руками своими приводит. Сию и мы, свещи нося'ще, достойно ублажим, воспевая сердцем и усты: Аллилуиа.
ИКОС 4
Слышаша древние людие девственный лик псалмы' и пе'сньми Деву Отрокови'цу в храм Господень провождаемую, благоговейно вопрошаху: "Что сие радостное происхождение? Кто сия Ю'нице, а'ки заря солнечная сияющая?" Мы же на сем пути сте'кшася, велегласно вопие'м:
Радуйся, благодати Источниче.
Радуйся, Храм и Палато Царя и Бога.
Радуйся, входящая во храм, да Сама Храмом соде'лаешися.
радуйся, Чудо Всемирное.
Радуйся, Богоизбранная Отроковице Марие, Владычице наша Всеблагая.
КОНДАК 5
Боготечная звезда нам путь во храм указу'ющая, им же мы последствующе, возопим песнь Богу: Аллилуиа.
ИКОС 5
Видяще Тя девы сверстницы, радостно во храм текущую, светильницы возжигающе, пе'сньми и пе'ньми провождаху Тя, глаголюще:
Радуйся, со Ангелы беседующая.
Радуйся, солнца светлейшая.
Радуйся, Небо Одушевленное.
Радуйся, Голубице Чистая.
Радуйся, Богоизбранная Отроковице Марие, Владычице наша Всеблагая.
КОНДАК 6
Проповедник Твоего вхождения, Дево, бысть святый Давид-псалмопевец, рече бо: "Приведутся Царю девы в след Ея, приведутся искреннии Тебе, введутся в храм Царе'в". Мы же, зря'ще сбытие, возглаголем: Аллилуиа.
Хотящи исполнити обещание свое, святии пра'отцы Иоаким и Анна реко'ша к Преблагослове'нней: "Гряди, Чадо, в церковь Господню и буди плод благослове'н Ему". Торжеству'я смотре'ния Зижди'телева исполнение, вопием Богу: Аллилуиа.
ИКОС 7
Новую показа' Господь благодать лю'дем Своим, егда Чертог Славы Своея' яви' ясно в храме Господнем Деву Богородицу, да чудо видяще, вси вопие'м:
Радуйся, Божие к людем благоволе'ние.
Радуйся, Хода'таице нашего спасения.
Радуйся, в благоче'стии утверждение.
Радуйся, послужившая тайне воплощения.
Радуйся, Богоизбранная Отроковице Марие, Владычице наша Всеблагая.
КОНДАК 8
Странное зря'ще виде'ние, устранимся су'етнаго попечения и ум на Божественная возложи'м, вопия' Богу: Аллилуиа.
ИКОС 8
Вся горе' бы'вше и духом пламене'еши и нас не оставляеши, Дево Всенепоро'чная, приими' от нас пе'ния сия':
Радуйся, Ангелами пита'емая.
Радуйся, светом небесным облистава'емая.
Радуйся, благода'тию снабдева'емая.
Радуйся, сиянием Божественным озаренная.
Радуйся, Богоизбранная Отроковице Марие, Владычице наша Всеблагая.
КОНДАК 9
Всякое естество Ангельское удивися неизреченному Божественному смотре'нию: ка'ко Дева уготовляется служению спасения рода человеческаго? Мы же, слышавше сие', вопием: Аллилуиа.
ИКОС 9
Вити'и многовеща'ннии недоуме'ют, ка'ко по достоя'нию восхвали'ти всечестны'й праздник Твой, Богородице, и дивя'щеся вопию'т:
Радуйся, Весно' радостная, просвещающая ум благодатию.
Радуйся, Луче' светозарная.
Радуйся, в проо'бразех уразумева'емая.
Радуйся, во псалме'х и на гу'слех воспева'емая.
Радуйся, Богоизбранная Отроковице Марие, Владычице наша Всеблагая.
КОНДАК 10
Спасти' хотя мир, всего Промысли'тель Господь устро'и Тя, Пречистая, в храм Свой, Богородице, иде'же мы спасение обрета'юще, поем: Аллилуиа.
ИКОС 10
Стена еси, Дево, всем, к тебе притекающим и вопиющим таковая:
Радуйся, Благоуха'нный Цве'те.
Радуйся, Небес превы'сшая.
Радуйся, всех Радосте.
Радуйся, Селение Небесное.
Радуйся, Богоизбранная Отроковице Марие, Владычице наша Всеблагая.
КОНДАК 11
Пение всякое не довле'ет к похвалению многих щедрот Твоих, Дево Богородице, но любовию к Тебе побежда'емии, не умолчим пети Тебе: Аллилуиа.
ИКОС 11
Светоно'сную Палату, Солнцем Правды освеща'емую, зрим Тя, Святую Деву, и вся приглашаем воспевати Тебе:
Радуйся, Доме благодати.
Радуйся, Мати Истинныя Жизни.
Радуйся, все пророчество на Себе исполнившая.
Радуйся, родившая Предвечно Рожде'ннаго.
Радуйся, Богоизбранная Отроковице Марие, Владычице наша Всеблагая.
КОНДАК 12
Благодать дати восхотев роду человеческому, избра' Тя, Господь, Деву Чистую, да будеши нам радость вечная, Дево Благодатная, вопиющим: Аллилуиа.
ИКОС 12
Пою'ще радостно Твое вхождение в храм Божий, Богоизбра'нная Отрокови'це Мари'е, ликовству'я, вопие'м:
Радуйся, милостию Своею нас защищающая.
Радуйся, покровом Своим всех покрывающая.
Радуйся, нас соблюдающая.
Радуйся, всех верных к Богу приводящая.
Радуйся, Богоизбранная Отроковице Марие, Владычице наша Всеблагая.
КОНДАК 13
О, Всепе'тая Мати, Богоизбранная Отроковице Марие, введе'нная в храм Господень! Храм мя соделай Святому Духу, поющаго Ангельскую песнь: Аллилуиа, аллилуиа, аллилуиа. (Сей кондак читается трижды)
ИКОС 1
Ангели вхождение Твое, пречистая Дево, во Святая Святых зряще, удиви'шася, мы же земноро'днии, созерца'я дивное видение сие, радости исполнены восхваляем Тя песньми сицевы'ми:
Радуйся, Одушевленная ски'ния.
Радуйся, Сокровище славы Божия.
Радуйся, пророками пронарече'нная.
Радуйся, Ангелы чтимая.
Радуйся, Богоизбранная Отроковице Марие, Владычице наша Всеблагая.
КОНДАК 1
Взбра'нной Воеводе победи'тельная, воспису'ю раб Твой, Богородице, и моление сие ака'фистово приношу благода'рственно: приими' е и принеси Твоему Сыну и Богу о нас, многогрешных, вопиющих Тебе:
Радуйся, Богоизбра'нная Отрокови'це Марие, Владычице наша Всеблага'я.
М О Л И Т В А
О, Пресвята'я Влады'чице! Христа Спасителя нашего Богоизбра'нная Мати, у Бога святыми молитвами праведных родителей испро'шенная, Богу посвяще'нная и Богом возлю'бленная! Кто Тебе' не ублажи'т или кто не воспое'т Твоего Преславнаго Рождества? Рождество твое бысть началом спасения человеков, и мы, седя'щии во тьме согрешений, зрим Тя, Непристу'пнаго Света Жили'ще. Сего ради вити'йствующий язык не может песносло'вити Тя по достоя'нию, па'че бо Серафи'м возвы'силася еси, Пречистая, оба'че приими' недостойных рабо'в Твоих ны'нешняя похвале'ния и не отри'ни мольбы' наша. Твое величие исповедуем, к Тебе во умиле'нии припа'даем и скорую в заступле'нии, чадолюби'вую и благосе'рдную Матерь дерзновенно просим: умоли' Сына Твоего и Бога нашего дарова'ти нам, многосогрешающим, искреннее и благочестное житие', да возмо'жем твори'ти вся Богу угодная и душа'м нашим полезная, и к тому же возненави'дити вся злая, укрепля'емии Боже'ственною благода'тию во благо'м произволе'нии нашем. Ты, Непосты'дная Надежда наша в час смерти, да'руй нам христианскую кончи'ну, безбедное ше'ствие на страшных мыта'рствах воздушных и насле'дие благ Царствия Небеснаго. Да со всеми святыми немо'лчно исповедуем Твое о нас заступле'ние, и да славим Единаго Истиннаго Бога во Святе'й Тро'ице покланя'емаго Отца и Сына и Свята'го Духа. Аминь.
____________ Ака́фист — жанр православной церковной гимнографии,
представляющий собой хвалебно-благодарственное
речитативное пение, посвящённое Господу Богу,
Богородице, ангелу или тому или иному святому.
ПАРНАССКАЯ ГОРНИЦА, СПАСИБО, ЧТО ВЫ ЕСТЬ! ЦАРИЦА НЕБЕСНАЯ НЕ ОСТАВЛЯЕТ СВОИХ ДОЧЕРЕЙ! ОНА, ВСЕГДА, С НАМИ! СПАСИБО, ПРЕСВЯТОЙ БОГОРОДИЦЕ!ОНА - ПОЧИТАЕМА В НАРОДАХ, ИЗ ВЕКА В ВЕК! БЛАГОСЛОВЕННОЙ ЗИМЫ ВСЕМ ВАМ ДРУЗЬЯ! С БОГОМ! С МИРОМ! ДОБРА! В БЛАГОДАРНОСТИ, ВАЛЕНТИНА..,
Дорогая Марина! Спаси Господи, что Вы с нами в этот светлый Праздник Введения во храм Пресвятой Богородицы! Да хранит Матерь Божия Вас и Вашу семью от бед, скорбей и всякой напасти! Мир Вашему дому!..
Великий праздник Введение во храм Пресвятой Богородицы! Спасибо большое за эту работу! И чтение Акафиста, и Песнопение вызывают глубокие, святые чувства!
Людмила, храни вас Бог и Матерь Божия!.. Этот Акафист особо ценен тем, что невелик, и даже сильно занятой христианин найдет время, чтобы прочесть его и прославить Пресвятую Деву Марию Богородицу!
Помочь сайту
Поздравления
С БОГОМ! С МИРОМ! ДОБРА! 
