Край ты мой прыгожы,
Ільняны, бульбя′ны,
Травяны, мурожны,
З мятаю духмянай.
Белыя з ружовым,
Кветкі канюшыны,
Васількі за домам,
Ля двароў шыпшыны.
Шлях заслала ўволю,
Дымкай прыдарожнай,
Ды буслы ў полі,
Ходзяць асцярожна.
Вось закат румяны,
Гушчары лясныя,
Дзіўныя паляны,
Родныя такія!
У вясновым небе,
Гукі навальніцы,
Каласкі ў глебе,
У начы зарніцы.
Промнямі ў паветры,
Сонца разальецца,
Ад цяпла і ветра,
Лёгка мне на сэрцы.
Бачу сад вішнёвы,
Вось і збан сунічны,
Твой бурштын мядовы,
І струмень крынічны.
Край ты мой цудоўны,
Край ты мой любімы,
Я з табой заўсёды,
Ты мая Радзіма!
© Copyright: Егор Серов, 11.12.2017
Регистрационный номер № 000251003
Помочь сайту
Поздравления
