Рэчанька

[Скрыть] Регистрационный номер 0346078 выдан для произведения:


Рэчанька, рэчанька,
Лашчыцца з іваю,
Зоркі злівае
Ціха ў далонь,
Думку згадала я
Знічкай імкліваю,
- Ой, не спалі яе,
Золкі агонь!

Мара дзявочая
Ў промнях заюшыцца.
Дуб не нацешыцца,
- Яшчэ не пара!
Дзеванька  Красачка,
Веруй і збудзецца,
Будзе заплецена
Кветкай каса.

Прыпеў:
Рэчанька, рэчанька,
Сэрца хвалюецца,
Зорачкі падаюць,
Знікла зара.
Дзеванька  Красачка,
Ведай і збудзецца,
Будзе заплецена
Кветкай каса.

Думкі жаданыя,
Спевы прыгожыя,
Водарам квецені
Пах прытаміў,
З кім параўнаць цябе,
Кветачка Божая,
З кім тваё сэрданька,
Хто спаланіў?!

Сонца чырвонае
З хваляй цалуюцца,
Ткуць на вадзе рачной
Шлюбны рушнік.
Дзеванька Красачка
Не намілуецца,
К вуснам палаючым
Хлдопец прынік.

Прыпеў:
Рэчанька, рэчанька,
Сэрца хвалюецца,
Зорачкі падаюць,
Знікла зара.
Дзеванька  Красачка
Не намілуецца,
К вуснам палаючым
Хлопец прынік.