Спаўзліся цмокі і грызуць граніцы
Зямелькі шматпакутнае ізноў –
У проблісках агністай навальніцы
Ім перамога лёгкая трызніцца.
Але з крыжом Збавіцеля ў правіцы
Паўстала Беларусь, каб заступіцца
За Веру, за Надзею, за Любоў,
Даверыўшыся Богу.
– Ойча Авва,
Як будучыню роднае зямлі
Ад цмокаў зберагчы – ад бед-навалаў?
І прагучаў адказ:
– Шануйце славу
Бацькоўскай Веры і шануйце справы,
Якімі продкі вашыя дзяржаву
І спадчыну адвеку бераглі.
Помочь сайту
Поздравления
